Isua hnenah ka him ang

Phuahtu: D.P Thanbuka
Satu: Lalruotmawi, DrLuke, RTC Lalduhawmi, Rebecca Saimawii, Bawngkawn Pastor Bial Zaipawl, One In Christ

Isua hnenah ka him ang, a angchhung nuamah chuan,
Ka thlarau a chawl ngei ang, ani’n min hliahkhuh ang;
Aw, Angel rawl mawi ka hria, ram ropui atang chuan,
Hla mawi tak sain min ko, khi luiral mawiah khian.

Isu, Isu, i hnenah awm ka duh,
Isu min hmangaihtu ber, I hnena awm ka duh; 
Hrehawm a ral hma loh zawng, nangin min hliahkhuh la.

Isua hnenah ka him ang, ka buaina a reh ang,
Thlemnate’n min chim buai lo’ng, sualin min chhaih thei lo’ng;
A reh ang lungngaihnate, tah leh lungchhiat zawng zawng,
Mittuite tla rih mah se, hrehawm chhung a rei lo’ng.

Ka Thlarau himna hlu ber, Isua ka tan a thi,
Kumkhuaa ka phen tur ber, chatuan Lungpui a ni;
Ka tana hmun siamah chuan, min la rawn hruai ngei ang,
Zan thim a awm tawh lo vang, ropuina a eng ang.