20 Jan 2018

Aw hmangaihna khawvel entu

Lettu: Hrawva
Satu: Bawngkawn Pastor Bial Zaipawl


Aw, hmangaihna khawvel entu,
Kalvari tlang thing kraws chungah;
Ka Lalpa'n a thlen chu,
Ka ngaihtuahin a va hlu em;
Thihna rapthlak ka tan tuarin,
Thisen hlu a luan tir, thisen hlu a luan tir.

Khawngaihna a khatin a tuar,
Lungngaih thlaphan hremhmun ata;
Min rawn tlanchhuak leh ta,
A felna zarah nun nuamah;
Ka thla vanrama leng tur chu,
Ka fak ning thei lovang, ka fak ning thei lovang.

He khawvel tawpa a tlante,
A vanram nuamah lungrual in;
Kan la intawk khawm ang,
Chutah lungngaih, thlaphanna te;
Hrehawm, buaina te a la ral ang,
Tlantu kan Lal hmaah, tlantu kan Lal hmaah.

Ni lawmawm a lo thleng thuai ang,
Kan Lalpa in min hruai hunah;
A hmelmawi ka hmu ang,
Ka chhandamtu duhtak nen chuan;
Chatuan malsawmna a leng in,
Ka fak tawp thei lovang, ka fak tawp thei lovang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: