25 Jan 2018

Zirtirtu tha

Phuahtu: F Vanlalnghaka
Satu: Sanglianthanga, Daniel Lalrinmawia


Intlansiakna tha leh inelna thianghlimber,
Chawlhna ram pan tur a intlansiaknaah hian;
Lalpa chakna thahrui vuana ring chung zel in,
Nitin a kraws pu in Krista hnungzui zel ang u.

Oo..oo nangni kan nu leh pa te u,
In tu leh fa inkaihhruai danah hian;
Lalpa Pathian lung a awi em?
Krista nun zirtu leh zirtirtu kan ni em?
Oo..oo kohhran rawngbawltute u,
He lei berampute u, miten tunge an tih che a i nundan?
Zirtirtu tha leh bawih rinawm Lal Isuan a ti che em?


Hmun hrehawm leh ralti, harsat, mangan, buaina,
Saruakna leh tamna, tlakchhamna karah pawh;
Zam mai tur kan ni lo, ropuia ngamtu kan ni,
Huai leh chhel takin Lalpa ram la in i kal zel ang u.

Krista zara kan chan huaisenna leh chhelna,
Hmangaihna leh tlawmna dawhtheihna thiltihtheihna nen;
Sual ral lian tawn zel in indona tawp hma zawng,
Pathian ralthuam famkim nen Krista hnungzui zel ang u.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

2 comments:

  1. In ti tha hle mai. Chutih laiin, a thunawna "In tu leh fa inkaihhruai danah hian" ti lovin, "In tu leh fa kaihhruai danah hian" tih zawk tur a nih hmel.

    ReplyDelete
    Replies
    1. Daniel-a sak dan anga ziak chhuak kan nia, a sak danah hian "In tu leh fa inkaihhruai danah hian" tiin a sa sia, chu chua dikah kan ring mai.

      Delete