18 Aug 2019

Kar hla di

Phuahtu: Lalchhanhima
Satu: Lalthansanga Ralte


Suihlunglen in khuatin ka hawi vel a,
Thal romei zolentu a zing riai e;
Chhim khaw zopui leitlang chawi ka di te khan,
Min han dawn ve ang maw thinlai rukah?

Kei zawng a ngai hian ni ka leng zo lo,
Chung khuanu leng min tuah rem ve thuai la;
Lung min lentu ka nu ngai di nen hian,
Chutin hlimten tlaini ka len ve nan.


Thal khaw romei zam pik riai kar saw,
Theih chang se thlawkin va leng ve ila;
Leitlangpui ka di lenna vangkhuaah sawn,
Tumin hmangaih biahthu ka hlan ngei ang.

Engtin tuar ve ang maw zaleng zawng ten,
Chhingkhual kar hla di zun a uai reng hi;
Keizawng thinlai damten tuar a har ka ti,
Min hnem rawh ka di tleitir nuihmawite.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: