19 Aug 2019

Thlarau thianghlim thuro nunnem

Phuahtu: Khawkunga
Satu: Blessed Choir


Thlarau thianghlim thuro nunnem,
Lo leng leh la kan ngai che;
Rawn tiharh leh ang che mipui chau te,
Mual liam lo in lo kir leh rawh.

Aw, kan ngai a che thlarau nunnem,
Nangmah lo in mipui ten kawng an bo;
Hruai leh ang che aw vanparh arsi Zion,
Lawmna kawng thianghlimah.


Ngaiteh Lalpa i tlansa ten,
An chatuan kawng an bo e;
Lei berampu te hian an hruai thei lo,
Engtinnge ni ang le Lalpa?

Thlarau thianghlim nang i awm chuan,
Khawvel lungngaih a nem thin;
Sual thlipui leh buaina ral lian mahse,
I hming fakin ka zai ang e.

Isu nunnem lo rum leh rawh,
Lungngai taka i tuarna;
Hriattir ang che aw i hlinglukhum nen,
I thlaphanna mak tak nen chuan.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: