Zan a rei tawh lo ang

Phuahtu: Chawngkhuma
Satu: Blessed Choir

Kan chenna khawvel hrehawm tuam vel hi,
Thimna in a bawm, lungngaih chhum a zing;
Kan damlai ni leh khawvel par te hi,
An herliam zel e, zan a rei tawh lo'ng.

Zan a rei tawh lo'ng hun te a ral mek,
Thimna a kiang mek khua a var dawn ta;
Ka thlarau tho la inring reng ang che,
Inpeih la chatuan khua a var hma hian.

Thimhnuaia lengin chau in kan rum a,
Bo hlauhawmah kan awm sual in min bawh;
Aw Lalpa, min vuan in min chhanhim la,
I kawng ralmuangah chuan min hruai ang che.

Khawiahnge Lalpa i hmangaih te tan,
Hmun i buatsaih chatuan ralmuanna chu;
Kan damlai zanthim hi a ral hunin,
Chu ramah chuan min chentir ve ang che.

Zanthim a ral a khua a var hunin,
Angelvarte nen seraf ho te nen;
Chhandamtu chawimawi nan hla thar sa in,
Chatuanin amah chu kan fak tawh ang.