17 Dec 2019

A rel sual ngai lo

Phuahtu: Lalnunpuia
Satu: Pensy B. Lalthangliani


*Harsat, manganna karah te,
I dil thin a tanpuina leh awmpuina;
mahse, tanpuitu reng an awm si lo,
Beidawng khawhar leh mal in i awm maw?

Repeat *

A kalsan tak che a ni si lo,
A theinghilh ta che a ni lo;
I tana rinawm reng thin Lal Isuan,
A rel sual ngai lo i kawng tur chu,
A rel sual ngai lo i kawng tur chu.


Zamin i lungngai mai thin em?
Beisei tur dang reng pawh nei zo tawh lo in;
I kawng a thim kal ngaihna hre lo in,
Lungngaihan chhumpuiin a tuam che maw?

Hun thim leh harsatna karah
Lalpa i rorel hriatfiah har tih vanga;
Kraws kawng zawhna ata ka bo loh nan,
Ka inpe i hruai leh hman theih turah.

Tlinna lai leh felna reng nei lo,
I rawngbawl tura min ko hi;
A mak in a ropui e, min hmangaihna hi,
Ka thlang ber zel fo ang che,
Ka kawng hruai turan.

Ka inpe i ropui nan,
Min hmang ve ang che.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: