Nang chauh ka innghahna

Phuahtu: David Lalremruata Chawngthu
Satu: Pensy B.Lalthangliani

Nun kawng dik zawngin ka hringnun hi,
Kal ngaihna hre lo in a buai thin a;
Khawngaihna a khat ka Lalpa chuan,
Min ngaidamin chatuan nun min pe ta.

Aw Lalpa, tlinna reng ka nei lo,
I hmaah hian chhuan tur reng a awm lo,
Chak loh na in nitin in min tuam mahse,
I chakna rinchhan in ka pen zel ang.

Aw Lalpa, nang chauh ka innghahna,
Ka hlimna leh ka kulhpui nghet i ni;
Min kai la, aw, min kalsan suh ang che,
I hnenah chauh muanna kim ka hmu si.

Lei hringnun harsatna ten min chim,
Thlemna thlipui in min tibuai fo thin;
Nun hlimna pawh a kiam leh mai thin a,
Chau in ka rum ka ngai che Lal Isu.

Hmangaihna tu'n ka tawngtaina a hria,
Min kalsan lo, ka pil bo a phal lo;
Hmangaih banin min lo kuangkuah a,
Chakna thar in ka nun min thuam leh thin.

Aw Lalpa nitin i hnung zui a,
Harsatna kara kraws pu zel tur in;
Min pui ang che chhel leh huai taka,
Thih thleng a rinawma nung zel turin.

Aw thlarau thianghlim lo leng ang che,
I tel lo chuan kal ngaihna a awm lo;
Hmangaihna rawngbawl zel tur in,
I duh ang in min khawih nawn leh ang che.

Lei hringnun a ral hun in,
Lal duhawm kan hmuh hunah;
Lawm takin aw a kiangah chuan,
Chatuan in hlim in kan leng tawh ang.