17 Dec 2019

Chatuan kawl a eng tan ta

Phuahtu: Dr. Ramdinthara Sailo
Satu: Mizoram Synod Choir, ATC Male Voice 2019 - 2020

Damlai hringnun kawng zawh a, ka zinna thlalerah hian,
Ngui leh chau takin ka rum a, van in ka ngai mange;
Sual leh thlemna tinrengten ka nun min tibuai leh thin,
Aw, ka Lal duhawm, min kalsan lul suh aw.

Nawmsakna te leh he lei mawina tinrengte,
Sum leh pai chapo uannate;
Lei ropuina lem chatuan daih si lo hian
Ka van in kawng min bo tir ka hlau mang e.

I kal zel ang aw, chhandam fate chu,
He khawvel parmawinaten min lo au mahsela,
A rei lo’ng zanthim lungngaih, buaina chhumpui zing,
Chatuan kawl a eng tan ta!


Rinna in han fang ila, mithianghlimte tual lenna
Aw, tah chuan an leng e, hlimte’n, puanvar ropui sinin;
Kal hmasa mi huaisente, nunna lallukhum mawi nen
Hnuchhawn ram khawvel an ngai tawh ngai lo ve.

Chawl hman kan ni lo, Lalpa tana beitute,
Kan tum ram chu pan zel ila;
Thlir teh, a lang e, chatuan in mawi tak chu,
Aw, chu hmun thlen hlan ka va han nghakhlel em!

(A tawp nan) Lungngaih, tahna leh mittui a hul ang,
Thih leh natna reng a awm tawh lo ve;
Chhandam fate lai lenna chu!

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment: