17 Dec 2019

Lalpa lamlian

Phuahtu: Madinmawia
Satu: Nancy Zothanmawii, Bawngkawn Pastor Bial Zaipawl

Famkim lohna ramah cheng mah ila,
Kristianna leh Kohhran kawra hmang a;
Thlarau Thianghlim hnathawh dodalin,
Thinlung lei khek neiin kan awm thin.

Sim rawh u! Vanram chu a hnai tawh e,
Thlalera mi aurawl chuan,
“Lalpa lamlian sial ula, a kawngte tingil rawh u,
Zan hi a ral dawn, khua a var dawn ta.”


Nun kawng hawi sana kalsan thintute,
Sual thim hnuaia kuna la leng thin te;
Mahni hmasiala rawngbawl thin te,
Lalpa lamlianah an leng ve lo.

Lalpa lamlian thianghlim mawiah chuan,
Khawvel finna, chapo, elrelnate;
Farisai ang pawnlam tawngtai ching,
Lalpa lamlian daltu mai an ni.

Krista thi a tho leh ringtute chu,
Lebanon, Karmel, Saron mawina nen;
Piangsual awm lovin chu kawngah chuan,
Tlante kan zai ang Zionah chuan.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: