16 Dec 2019

Hawilopar Krista

Phuahtu: T. Romama

Khualzinna ram khawvelah hian,
Chatuan khawpui ka pan laiin;
‘Hnung lam hawiin lo kir leh rawh.’
Tiin khawvelin min lo au va.

Hawilopar mawi, Krista ka thliak ta,
Hmangaih takin min chelh reng a;
Ka lungawi e, ka zai zel ang,
Ka hawi kirsan phal tawh lo’ng.


Hringnun khawvel ka thlir changin,
Lei mawinate’n min lo hip thin;
Mahse hmangaihtu Lal Krista,
Chatuana Hawilopar ka thliak ta.

Ka sualnate a tlengfai a,
Silhfen tharin min thuam ta a;
“Hlau suh ang che,” ti hian ka hria,
Ka hawi kirsan leh phal tawh lo vang.

Sual vanga mittui a hul a,
Jerusalem thar ka thlir a;
Ka lawmna ber Krista zuiin,
Zawi tein ka kal dem dem tawh ang.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: