Lalpa kei zawng mi rethei tak ka ni a

Phuahtu: C. Saikhuma

Lalpa kei zawng mi rethei tak ka ni a,
Lei hausak leh ropuina ka dil lo che;
Chung aia hlu ka Chhandamtu Lal Isua,
Ka neih phawt chuan thinlungin ka lungawi e.

Thlarau thianghlim min chantir la,
Van hausakna min pe la;
Lei ropuina aia hlu zâwk,
Lalpa nangin min pe ang che.

Lalpa kei zawng i rawngbawltu ka ni a,
I kraws bula thlarau tam tak hruai ka duh;
Thisen hlua i tlansa mi tam tak te,
Chhandam an ni lo vang tih ka hlau em e.

Lalpa kei zawng Van Kanan kawng ka zawh a,
Harsatna leh buainate’n min chim mah se;
Nangma zarah i chaknaa innghatin,
Ka hawikir lo, hmalam ka pan zel dawn e.

Damlai kawng chhuk chho mahse ka zâm lo vang,
I lo kal lehna ni a hnai tih ka hria;
I tlansate’n ropuina an chan hunah,
Kei rethei hi Lalpa min hre reng ang che.