Kan ngai che Thlarau Thianghlim

Phuahtu: Dr. Ramdinthara Sailo

Hringnun kan zin kawngah hian,
Kan ngai che Thlarau Thianghlim;
Min kai la, chung van Kanan thlen thlengin,
Dam tein min hruai zel rawh.

Thuro iang zaidam nunnem,
Kan thinlung rawn luahkhat la;
Nun zemawi, Lal Krista nun mawi tak kha,
Nitin min zirtir ang che.

Thlarau Thianghlim thlamuantu,
Zirtirtu ngilnei ber chu;
Thianghlimna sual hnehna nun min petu,
Van thlen thlengin min hruai rawh.

Aw, van thli, lo leng ang che,
Sual chhumpui zing chhemkiang la;
Kohhranhote min ti harh thar lehin,
Sual doral kan ngam ngei ang.