Muhilte tho turin, tawtawrawt a lo ri e

Muhilte tho turin, tawtawrawt a lo ri e,
Nangni muhil tho r’u, in tan khua a tlai hma hian;
In sualna zawng zawng nen, Lal Krista chu pan thuai rawh,
Lokal r’u a ti.

Aw Lalpa kan bovin kan pil mai dawn,
Sual tuipui fâwnah kan ding;
Kan za a kan nun chau min hruai turin,
Lalpa nang kan ngai em a che.

Khawvel hrehawmah hian, Lal ram thar i din ang u,
Lalpa tana dingin, kan kraws put i chawisâng ang;
Sualna kan hnuchhawn ang, van nunna chu kan chang ang,
Kan lawm a kim ang.

Hmangaihna ram nuam chu, kan tâna buatsaih a ni,
Lalpan min duh angin, tunah hian i ding ang u;
Hmangaihna leh remna, sual ngaihdamna famkim chu,
Kan tân a lo ni.

Kan za in i harh ang, Krista Kohhran zawng zawngte,
Khawvel thim ên tur a, Lal thuchah kengtu kan ni;
Engkim hi Lalpa tân, pe a ram tina au-vin,
I thawk zel ang u.