A hmangaihna fakin i zai ang

Phuahtu: Thangkima Sailo
Satu: Pensy B. Lalthangliani, Lalrinhlui Tlumang

A hmangaihna fakin i zai ang,
Hmangaihna dai thei ngai lova chu;
Berâm No thah thisen chhuaka chu,
Amah kan fak hun ni thlen hmain.

Nakinah, lâwm takin,
Luipui kam mawi takah kan tâwk ang.

Thisen vângin Pathian ding lamah,
Chatuan nunna leh hlimna a awm;
Mitin tân nunna tui a luang a,
Chu tui chuan Lalpa’n min bual ang a.

A hmangaih tunah kan tem chauh va,
Ama hmingin lâwmin kan khat a;
Vân thlen hunin engnge awm leh ang?
Berâm No thianghlim kan zaipui ang.

A hminga kan intawh khawm hunin,
Kan chatuan hmunah min tîr ang a;
Lâwm takin Pa in kan thleng ang a,
Kan chatuan malsâwmna ramah chuan.