17 Dec 2019

Pathian hmangaihna ropuizia

Lettu: Dr. L.N Tluanga
Satu: Lalduhsaki
 
Pathian hmangaihna ropuizia,
Thu leh hlain a hril sêng lo;
Van aia sâng, aw a zauzia,
Sual hmun thim ber pawh a thleng zo.
Sual bâwiha tâng, lungngai, mangang,
A Fapa a pe a;
Boral fate muanna a pe, An sual a ngaidam ta.

A va thûk êm, a va nâ êm,
Pathian hmangaihna chu!
Chatuan pawhin a chuai dâwn nêm,
Angel vârte hla chu.


Ram ropui leh lei lalthutthlêng,
An tlâwm vek ang, hun a ral ang;
Tupawh tawngtai duh lova ngêng
Chuan tlâng leh lung an la phên ang.
A chuai lo vang, a lang zêl ang,
Pathian hmangaihna chu;
Adama thlah tlanna a fah, Angel vârte hla chu.

Tuifinriat zawng hlotui chang se,
Ziakna atân thing zâr tinrêng;
Lehkha phêka’n van khi chang se,
Ziaktu atân chuan mi tinrêng.
A hmangaihna puang dâwn ila,
A kang zo ngei ang e;
A leng dâwn lo, a hlai tâwk lo,
A hril sêng chuang lo’ng e.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: