16 Jun 2020

A laiah Isua (inneih hla)

Phuahtu: Dr. Ramdinthara Sailo
Satu: C. Lalmuanawmi


Siamtu ruat rengin mim ang kan lo piang,
Hringfa leng zawng te;
Suihlung dum renga'n maw i lo pian ni le,
Duhlai ka tan i mawi chuang e.

Vul zel ang che aw, sakhming mawi hluanin,
Thianghlimna thuamin leng nang che;
Van Lal lungdum ten lengdun zel ang aw,
Isua min hruaitu a ni si.


Ram leh in ropui sum leh pai zawngte,
Lei ropui na te;
Kan karah hlimna min petu an ni lo;
Isua a laiah awm rawh se.

Run hmunah lengin khuanu tuahremin,
Hrai duh leng awiin;
Kan run tlawm Van Lal lawina run lo nise,
Khuavel nun kawl a eng ngei ang.

O..o..I sawm ang aw Immanuela chu,
Van lal lungdum ten lengdun zel ang aw,
Isua min hruaitu a ni si.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: