Kan ngai a che

Phuahtu: C. Lalrintluanga
Satu: C. Lalmuanpuii

Thangthar nun finna sang chho zelah hian,
Setan finna sang zelin Zofate min bei thin hi;
Hriatthiamna finna min pe zel la,
Kan bo, kan pil mai loh nan,
Nun nemin min zirtir rawh.

Eurakuilo iang thlemna thlipui ten,
Zoram Kristian min len bo mek;
Ko kir leh la i angchhung nuamah,
Chhantu nun nem thlarau thianghlim,
Kan ngai a che, kan ngai a che.

Mita kan hmuh leh benga kan hriat ten,
Chakna sualah min hruaiin;
Thihnaah min hnuk lut thin,
Hausak leh challan chaknate hianin,
Awhna sualah min hruai thin,
Chhantu kan ngai em e.

Pathian malsawmin zofate hianin,
Tinrengin hmatiang kan sawn;
Kan vannei chuang ngei e aw,
Khawngaihna chunga khawngaih leh chhawnna,
Malsawm tinrengin min vur,
Lawm mai tur hi kan ni e.