14 Jun 2020

Ka zawh lamtluang

Phuahtu: Rev.H.Lengluta
Satu: Vanlalzami, C.R Laldingliani & C.Vanlalawmawii


Ka lungngaih ni leh ka lawm lai niah,
Engkim ka hrilh thin hmangaihtu Lalpa;
Ka zawh lamtluang hi zawh a har lua e,
Ka kal thiam dawn lo Lalpa ka au che.

Nangni thawkrim leh phurrit phur te u,
Lo kal r'u ka lo chawlh tir ang che u;
Ka nghawngkawl a nuam ka phur a zang e,
Tiin hmangaihtu aw ka lo hria e.


Ka phurrit tak hian kian zai a rel lo,
Lungngaiin ka rum khawhar mangan nen;
Hmatiang ka thlir a buaina chhum a zing,
Thu han sawi leh rawh ka hriatfiah turin.

Kalvari lamtluang saw ka han thlira,
Kraws ram reh fanga ka Lal liamna saw;
Kraws rit tak pu in chauvin a tlu a,
Ka phur min chhawktu a tuar a lo a ni.

A lo har lo ve ka zawh lamtluang hi,
Ka Lalpa zawh hnu lamtluang a ni si;
Ka kawng a siam nuam ka phur min chhawk e,
Lawmin ka zai ang lungngaih hnuaiah pawh.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: