14 Jun 2020

Khawpui mawi

Phuahtu: Rodingliana
Satu: Rodingliana, R.Lalbiaksanga, Zoremi Ralte & C.R Laldingliani


Ka ram ngaih lai Jerusalem,
Buaina chhum zinna piah ram khi;
Lungngai, riangvai rethei fate engthawlna ram khi,
Chhun leh zan reng a awm ngai lo, ropuina en vel ram a ni,
Hmangaih Lal nunnema'n ka tan a buatsaih ram khi.

Aw khawpui mawi, khawpui mawi,
Hmangaih lungduh kimna ram tur;
Mita hmuh loh Beram no hmel en vel ram mawi chu,
Rangkachak tual laia lengte'n,

He khawvel ram reng hi ngai lovin,
Beram no hliam hnu kha fakin hnehna hla mawi an sa.


Ka rumna thlaler atang hianin,
Ram lo la lang tur lam ka thlir a;
Aw, ka nghakhlel khawpui mawia ka chen ve hun tur chu,
Ka dam lai nite a tlak hunin Beram no hliam hnu kha fakin,
Tihdanglam van nun khi changin hnehna hla ka sa ang.

Lalpa dan thu Zion a mi,
Jerusalema puan chhuah kha;
Krista thihna leh thawhlehna chanchin tha hi a ni,
Tupawh he thuthlunga cheng tan hlauh tur reng reng kan nei lo ve,
Kuta sak loh khawpui mawi khi kan tan a tiam a ni.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: