Luahlai a rem lo e

Phuahtu: Anthony Vanlalrawna
Satu: Zoherliani

Vanhnuai khuavel hringmi zaleng zingah hian,
Kan tawng thin e lengtin hian suihlunglen tu;
A thiang te a sen nau ang a nuidunin,
Damlai pialral a chang thin hringnun hi.

Hmangaih biahthu tinkim hlan che a mawi si lo,
Ka thinlaiah ai ang in cham thin mahla;
Enga'n nge maw thapui nang nen kan in tawn,
Duhaisam mah ni la luahlai a rem lo e.

Nuthai chang hnu lenrual zaleng zingah pawh,
Tawn chang a awm duhaisam thinlai luahtu;
Dawn lungruk a lungrualpui hi kan nuam thin
Tudang ngai lo te a lengdun turin.

Duh leh duh intawng mah ni ila lungrun,
Lungrual te a lendun hi kan mawi si lo;
Kan nun hleiten a dang si a nang nen hian,
Dawn changin lung reng hi a awi thei lo.

Luah loh tur di i zunleng zam a uai chu,
Tuar ka zuam lo i zunleng ngaih lunglen hi;
Turni lo chhuak thlang lenkawl a herliam hian,
Liam pui hian a mawi si lo nang ngaih hi.