Murva len thiam

Phuahtu: C. Rochhuma
Satu: Lalbiakthuama, Remruata

Ka chung kawlva kal rem thlakhawng a mawi mang e,
Lo kal ta che raltiang zopui tlang dum dur saw;
I pan zel ang, ngaihlai lung di a tawng mahna tiin.

Murva len thiam va kal ta la, raltiang vangkhua duhlai runah,
Va puang ang che Lalpa hmangaih thilthlawnpek;
Hnam tin, chi tin an bo lo e, tih thu va hrilh rawh.

Pheimawi valrual Pa hmangaihna awmphaw ha la'ng,
Kawlvalenchham ngho var leh Chawngtinleri laitual;
Zuk tial, khite an tam mang e, tumpang sial lu nen.

Kan lo lawm che vangkhawpui hian pheimawi ram tuan,
In rawn hawn em, nghovar, keitial tinzum nen;
In rawn hawn maw, Lalpa'n ropuina chang zel rawh se.

Tuk ram chulhnu thuva awmhar lungdi a ko,
A chhang si lo, ar ang ka vai sei zel e;
Riakmaw valeng iangin keipawh thiang thingzar ka zawng e.