Damlai thlan thim

Phuahtu: Zohmingthanga (L)
Satu: Lalngengpuii Tochhawng

Khiangawi tura zamual i liam khan,
Chhingmitthlaah i cham reng aw di mampui;
Min then tura zalam phei i zawh khan,
Thinlai rukah i cham si aw di mampui.

Sam ang min then ni khan e,
Damlai thlan thim maw ka chan le;
Nang tel lo damlai hringnun,
Zawh ka zuam lo, aw, i tel lo chuan.

A saw raltiang romei piah ram saw,
Ka thlir bang thei dawn ne maw ka di lenna;
Thang lo tharin kum tam lo vei mahse,
Ka thlir bang thei hian ka ring lo ka di tuanna.

An sawi damlai thlan thim chu,
Fam lo a rairah ka rianna;
An sawi damlai thlan thim chu,
Di lo a laitual ka lenna.