Nang chauh i ni

Phuahtu: Lalrammuani (Mamuani)
Satu: Lalrammuani (Mamuani)

Khawvelah hian lungngaiin awm thin mah ila,
Ka Lalpa'n ka mangannate a hre vek si;
Ani chuan ka tuarna zawng zawngte min hriatpui,
Hlimna famkim krawsah min pe ta.

Lalpa ka va lawm em, min hmangaihnate hi,
Theihtawpin 'I tan chauh' tiin ka nung tawh ang;
Ka damchhungin i rawng chauh ka bawl tawh ang a,
Ka damchhan nang chauh hi i lo ni.

Harsat tawk lo ila nang ka hlat leh thin che,
Harsatnain i hmangaihna min hriattir leh thin;
Tunah chuan nang chauh hi ka duhber chu i ni,
Thlemna tuifawn karah min hum rawh.

Tahna, sawichhiatna leh rinhlelhna thleng mahse,
I tan chauh nung tura ka in hlan tawh vangin;
'Nang chauh' tiin i kraws ka vuan tlat zel ang a,
Nang chauh hi ka hlimna ilo ni.