8 Oct 2020

Lo hnai la (Jaui)

Phuahtu: Lal K. Sailo
Satu: Jaui


Hmana ka chanchin derna an thu khan,
I thinlung a hliam tih ka hria;
I beiseina zawng pawh a ti bo,
Ka ngen a che sirah hnawlin,
Hnutiang mi chhawn lo la kumtluangin.

Aw, i hai si lo, ka mizia i hriat fo thin kha,
I thinlai hliam tura'n zawng mi ring lo la;
Ka ngen a che lungherin liam mai lo la,
Lengdang tanga bei tur chuan ka phal lo che.

Lo hnai la, nemte'n min fawp la,
Ka kiangah chuan hlauh tur reng a awm si lo;
Sirah zawng min hnawl lul suh thadang mi u,
Keipawh i tel loin  ka tlei si lo.


I tana ka lo vawn thin he ka thinlung,
Leng zawng ten an hmuh ve lo;
I tan rosepar iang ka mawina,
Puan anga chuai hma hianin i dawn lungruk min hrilh la.

Lung i chhir lo'nge ka hnenah lo kir la,
I hlim ngei ang tih ka tiam a che;
Khua i tlai ange i tan ka hawn laiin,
I dawn lungruk kim te'n min hrilh ve rawh.

Lo hnai la, nemte'n min fawp la,
Ka kiangah chuan hlauh tur reng a awm si lo.

Lo hnai la, nemte'n min fawp la,
Ka kiangah chuan hlauh tur reng a awm si lo;
Sirah zawng min hnawl lul suh thadang mi u,
Keipawh i tel loin  ka tlei si lo.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: