I hlui dawn lo

Satu: H. Lalthakima

Hmanah thenloh thu duhte'n kan tiam zawng kha lungrun,
Tawnmang nghilh dawtthu leng mai maw an lo chan zawh tak;
Kan sulhnu leh thu tin di kan tiamna mual zawng te hi,
Dawn tam lunglen tizual an chang zo ta.

Ka lawmna leh awmhar min hnemtu ber lungrun,
Ka tah tisei turin maw khuanun a ruat che;
Tanglaiah duhten pawmni herchhuak leh ang maw?
Ka tan hlim ni chhuak ve hian ka ring lo.

Khuatin mawitu chung siar leng zawngte kawpten an leng,
Lungrual tein an her liam e, tudang ngai lo rengin;
Khawi an nge maw i tuan tak le enchimloh di lenmawi,
Lengdang tang chu belin min hnawl ta maw?

Hrilhin sawi thiam tehreng ila ka dawn lungruk hi,
Lungduh lenrual zawngten tapin min dawnpui hial awm e;
Ka chan tur chu dawn lovin mual min liamsan mahla,
Dawn lungrukah puanang i hlui dawn lo.