Hmangaih di bawihte

Phuahtu: Thanhlira Hlondo
Satu: H. Lalthakima

Mahriaktea awmkhawhar lunglen changin,
Ka dawn thin che hmangaih di bawihte;
I tel lo chuan tlaini ka leng zo lo,
Hmangaih di bawihte.

Suihlunglen hi ka tuar zo lo,
Engtin ngai maw aw ka di ve khan;
Ka suihlunglen hre ve se,
Min tuarpui hian ka ring ngei e, RM-i khan.

Ih maw duhlai, kei zawng i zun ngai hian,
Tuantul reng hi ka dawn thiam lo e;
Min dawnpui la, aw, i zun ngai hi,
Hmangaih di bawihte.

Duhlai ngaihzual, kan run lo lawi ve la,
Fanau maltluan chawiin, aw, nangnen;
Chutin hlimten tlaini ka leng tawh ang,
Hmangaih di bawihte.