Phuahtu: Hruaia Ralte
Satu: H. Lalthakima
Aw, ka di bawihte, ka lung min len tu,
Aw, i hmangaihna min hlan zawngte kha;
Ka thinlaiah hian a cham reng thin e,
I zun ngai hian tlaini ka leng zo lo.
I ngai reng hian e ni ka leng thin a,
Ka hlim ni pawhin ka nghilh theih lo che;
Ka lungngaih ni hian, aw ka ngai em che,
Ka damchhan chu i hmangaihna a ni.
Aw, ka di bawihte, ka thinlai hnemtu,
Chun leh zua te chu lo hrang thin mahse;
Par kan vul tir chuan e rinawmna,
Runhmun kan len hun a la her ngei ang.
Aw, ka di bawihte, ka hmangaih ber mai,
Tuanna tlang te chu lo dang thin mahse;
Tawn leh ni zawng pawh a la her ngei ang,
Hlimtea kan intawn leh hun tur chu.
30 Jan 2021
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: