18 Jan 2021

Khuanu samsuih

Phuahtu: C.Dinthanga
Satu: C.Dinthanga & H. Laldanglovi, Pantea & Pantei


Mipa:
Bawihte, nang nen Khuanu samsuih kan ni,
I hmangaihna dawnin ka tan a hlu.

Hmeichhia:
Duhlai, ka tan khawvel nun ti nuamtu ber,
Min hmangaihna parzu ka tan a thlum.

Mipa:
Tunah runhmun lengin hringnun kalsiam,
Dam chhung ni kan hmang, a va hlu em.

Hmeichhia:
I thai lungmawl hian i tan ka tling ne'maw,
Chhanna lak thiam thin ang che, aw duhlai.

Kan damchhung tawi te khuanu relah hian,
Hlim leh lawmin lengdun ila;
Khuanu samsuih hmangaihna kan karah hian,
Cham reng rawh se.

Mipa:
Nun tawpin pialral chu lo thleng dawn ila,
Thih luikamah ka lo nghak reng ang che

Hmeichhia:
Min tlantu leh pialral ropui chu dawn la,
Enga'n thih luikamah i din reng ang?

Mipa:
Aw duhlai, i tel lo a pialral thlen chu,
Hmangaihna mak tak a ni dawn asin;
Thih luikamah i lo thlen ve hunah chuan,
A thiangte'n pialral kan lawi dun dawnnia.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

1 comment: