24 Jan 2021

Min hruai zel rawh

Phuahtu: Pastor Lal Cawi Sang (Sangte)
Satu: Iang Len Sung


Ka hringnun hi Lal Isua tan hmang lovin,
Khawvel nawmchen nan ka hun ka hmang ral thin;
Mahse, beidenna, lungngaihna ten min hual a,
Lalpa Isua chauh hi thlamuanna.

I kut chakin min chelh la,
Kawng dik min hmuh tir la;
Sual laka ka pen bo loh nan,
Damchhung hun tawite hi i tan hmang ve turin,
Min hruaiin min awmpui zel ang che.

Khawvel mawinate ka thlir chang nite hian,
Ka hringnun hi beiseinain min luahkhat;
Chapo, duhna leh hlemhletna ten min zui a,
Lalpa Isua hmaah ka kiltawih thin.

Ka ngaihtuahna leh ka suangtuahna bawlhhlawh hi,
Min tih bo sak la, min silfai ang che;
Midangte tana malsawmna ni ve turin,
Ka nunah rawn lalber reng ang che.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: