21 Feb 2021

A lo kal leh dawn

Phuahtu: Rodingliana
Satu: Rodingliana, Laltanpuii (Atani)


Leilung leh a chhunga awm tinreng siamtu Lalpa chuan,
He khawvel ni hi a kin thuai dawn e, innring rengin awm r'u min ti,
Aw, Beramno talh tawh hnu khan thuneihna chang vekin,
Kel leh beram a thliar angin chitin, tawngtin, hnamtinte min la thliar vek ang.

A lo kal leh dawn, a lo kal leh dawn,
A lo kal thuai dawn e, mihring fapa Lal Isua kha;
Thiltihtheihna thuam famkim nen a lo kal dawn rorel turin.


Hmangaihna a khat Pathian min tlantu chu fakin awm zel rawh se,
Israelte'n a an duh loh khan chawimawina zawng zawng Halleluiah! chang rawh se;
Aw, sual vanga thi tur tlan nan chhandamna thu min thlun sak hi,
Hmu thiam thei tura thlarau finna thuam famkim min pek vangin i fak ang u.

Lal Jeho, Pathian chaka'n khawvelah ro a rel hun chuan,
He khawvela chitin, tawngtinte an thil tih ang zelin min la fiah vek ang;
Aw, keini Lal thuthiam hlentute leh thuthlunga awm te chu,
He khawvel buaina chim phak lohah min hruai ang, rethei fate kan lawm tawh ang,
Aw, lungngai, riangvai fate leh mithianghlim kal tawh te,
Beramno lenna ramah khian fakna hla sain chatuanin kan zai pui tawh ang.

Rinna leh beiseinaa kan thlir Beramno Lal lenna ram khi,
Rinawm taka a hming avanga tihduhdahna tuar te lenna ram a ni;
Aw, chu hmun nuam chang ve turin enge kan tih ang le,
A thihna leh thawhlehna anpuiin a hnenah phum ve in kan awm,
Aw, Lalpa thinur lo thleng tur lakah min hum thei enge awm,
Lei leh van pawhin an dal zo lo ang, unau, inring rengin i awm ang u.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: