19 Feb 2021

Kei leh nang vangin

Phuahtu: Julie Hmingthantluangi
Satu: Durtlang Pastor Bial Zaipawl (2017-2019)


Gethsemani huanah zan khawhar taka'n,
Chhingmittui far chungin, lungngai tawpin;
Kei leh nang vanga kraws lera an khaikan hun,
Huphurh takin a nghak e Lal Isua'n.

Bawkkhupin, thinlung kehin a pa chu a au a,
"Theih chang se he no nian min pel se, min pel lul se,"
Tiin luaithli a nul, mahse, kei leh nang vangin,
A pumpelh thei silo Lal remruat chu.

An cheksawlh na'n hling lukhum an khumtir a,
A thlunglu atangin thisen a far;
Kei leh nang vangin a hmelmate diriamna,
Dawhthei takin a tuar e Lal Isua'n.

A kraws put rit tak mai chu a tlukpui, aw, a na,
Kalvari lamtluang chu a thui ngei, a thui lua e;
Hmelmate'n chil an chhak, an beng e, a rapthlak ngei,
Pa thuthiam thlen kim na'n tuar a tul si.

Sualna nei lo Nazareth tlangval Isua'n,
Kei leh nang chhandam na'n thing krawsah chuan;
A thlarau thlahin, "A kinta" tiin a au,
Kalvari tlangah fam a chang ta e.

Mahse, Pa remruat angin nithum niah ngei chuan,
Thlan atangin a tho, a ropui, Halleluiah!
Chatuan nun kan neih nan a hmabak a hlen zo  ta,
A ropuizia tu'n nge sawifiah zo ang?

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: