Dubai lamtluang

Phuahtu: C. Lalrinthari
Satu: K. Vanlallawmi

Thlafam ngaih chu thinlai a zing riai,
Chhunni tin zankhaw tlai tluanin;
Nghilh i har dawn mang e, Mate,
Thinlai rukah nghilh ni i awm dawn lo.

Fam dai lengin maw thinlai thawng,
A na lua e kan tuar thiam lo,
Thlafam dairial min chansan hi,
Aw, kan tuara'n vanpui a chim.

Hlimtea chhingkhual kal laiin maw,
Dubai thlaler zalamtluangah;
Rum vung kal lai thlafam i chan,
A na lua e, kan tuarthiam lo a ni.

I pamlua e piallei a zala'n,
Kan tiam thei lo rihsang mualliam;
I chun leh zua, u leh naute'n,
Tapin kan au che min chhang ve ta che.

Chhingkhual kal haw run i belh ni khan,
Leng zawng an tam lanu, valrual;
Lainattu leh i lenrual te,
Kan chhawn thiam lo, Mate, i tel lo chuan.