Puanvar sinin an leng ta e

Phuahtu: C. Lalrinthari
Satu: K. Vanlallawmi

Ramnuamah chuan lungngaih vanga mittui tlakna,
A awm tawh lo'ng hmangaihtu Lal lennaah chuan;
Hrehawm, buaina chimphak lo in an leng ta e,
Thenna thu reng an sawi ngai lo chu ramah chuan.

An leng dial dial kan mi ngaih kalta te zawng chu,
An va hlim em hmangaihtu Lal fakin an zai;
An belh Lal Nunnema kiang ngeiah chuan,
Chatuan atan an chawl kumkhua tawh ang.

Luaithli nula inthennate a awm tawh lo'ng,
Tap leh rum thawm a awm ngai lo chu ramah chuan;
A va nuam dawn chu ram ropui thlen hun tur chu,
Aw, ka nghakhlel hmangaihtu Lal kianga len ve.

Lei hringnun reng ngai tawh lo in hnutiang an chhawn,
Chu khawpuia lengte chuan min ngai tawh lo;
Thianghlimna nen puanvar sinin an leng ta e,
Sual bawlhhlawh reng an hre phak lo churamah chuan.

Ka lei taksa lungngai leh riangvai, rethei hi,
A kin hun chuan kei pawh ka chawl ve tawh ang a;
Kan mi ngaih kal hmasate chuan Krista ho in,
Van kawtthler mawiah khian min lo hmuak ngei dawn si.