Lei hringnun piah ram

Phuahtu: C. Lalrinthari
Satu: K. Vanlallawmi

Lei hringnun piah ram mawi takah chuan,
Kan mi ngaih kal ta te an leng;
Min ngai lo in Chhandamtu kiangah,
Hlim tawp hlau lo in an leng ta e.

Chu rammawi nuam, aw, chu hmunah chuan,
Kei pawh ka la han chawl ve ang;
Hmangaihtu Lalpa kiangah ngei chuan,
Lungduh te nen kan leng tawh ang.

Lungngai te Lal, hmangaihtu Pathian,
Ka kawng thim hi rawn chhun eng rawh;
Thlafam ngaia tahna mittui hi,
Malsawmnaah rawn chan tir ang che.

Thlamuantu Lalpa Pathian rinawm,
Lungngai ruma ka awm lai hian;
Muanna kim nangmah a chhuak ngei khan,
Min thlamuanin min awmpui ang che.