Ka ring zel ang che

Phuahtu: Lauren Daigle
Lettu: R Zothanliana
Satu: Electric Veng Branch KTP Matthaia Group (2016)

Ka innghahna leh beiseina zawngte,
I ke bulah ka rawn hlan e;
Damlai kawng hrehawm ka zawh pawh hian,
Min ti danglam thei si lo,
Hneh zel tumin theihtawp ka chhuah thin a,
A thlawn mai a ni, chhawktu ka ngai,
Chhanchhuaktu thiltithei, do te ngamtu,
Min kalsan ngai lova ka kianga ding.

Ka hmaa harsatnaten min kiansan lo mahse,
Ka kawng daltu luipui pawh thenin awm lo mahse;
I hnena ka thlen zawngte chhanin awm lo mahse,
Nangmah chauh ka ring ang, ka ring zel ang che.

Hun leh ni lo thleng tur i ruat lawk a,
I hmuh lawk loh ni reng a awm si lol;
Ka engkima engkim ni zel la,
I thu awm turin ka inpe e.

Hum him leh thlamuantu ka kawng min hruaitu chu
Ka tan inghahna nghing lo ka dinna lungpui chu
I kawngte a ropui e, i tum a fel vek a,
Nangin i hriat loh hmun reng kalna tur a awm lo.

--------------------
Ka ring zel ang che

Phuahtu: Lauren Daigle
Satu: BCM Choir Lawngtlai, Lalhlimpuii

Ka duhsam zawng zawngte kalsanin,
I ke bulah ka rawn hlan e;
Ka vahvaihna kawng chhuk chho mahse,
Nang chuan min hnawl chuang si lo,
Mahni chaknain hneh ka tum thin,
Ka hneh zo si lo, ka chau leh thin,
Hnehtu ropui, Sipaite Lal,
Eng pawh lo thleng se, min awmpui reng thin.

Harsatna tlang cho rual loh,
La bo dawn lo mahla;
Ka kawng daltu luipui lian,
Min hruai kai dawn lovin,
Ka manganna au rawl pawh,
Min chhang dawn lo mah la ka ring che,
Aw Lalpa, ka ring zel ang che.

Hriat loh lamtluang reng i nei ve lo,
Hmatiang hun hriatlawk loh i nei si lo;
Ka nunna hnar ka kawng hruaitu ni la,
I duhzawng chauh, Lalpa, ka duh zel ang.

Ka chakna leh hahchawlhna,
Min hruai thintu i ni;
Ka innghahna lungpui nghet,
Ka kulh bingsang i ni,
I kawng te hriatfiah rual loh,
Fel famkim a ni si,
Khawi hmunah pawh kal i la,
Nang i lo awm zel si.