22 Feb 2021

Thiam loh chantirtu

Phuahtu: F. Vanlalchhuanga
Satu: Vohbik, Seraphic Choir


Thiam loh chantirtu chu dan a ni,
Kan Lalpa ramah dan a awm lo;
Hmangaihnaa rorelna hmunah,
Danin hmun reng reng a chang tawh lo.

Hlimin kan zai e, kan zai zel dawn,
Thiam chang kan ni e, kan zalen ta;
Tu nge min hek ang kan Lal hmaah?
Hmangaihtu rorelna hmunah chuan.


Rin vang maia chhandam kan ni e,
Hriat loh vang chauh a hrem tuar tur te;
I lainat lo'm ni, i ui lo'm ni?
Nitin sang tam tak an liam zel e.

Nung chunga boral theihna ram hi,
Engtin emaw ka la pel ngei dawn;
Rorelna hmaah kan la ding dawn,
Mahni chanchin theuh kan la sawi dawn.

Hmangaihnaa rorelna hmunah,
Danin hmun reng reng a chang tawh lo;
Engtianga sual pawh ni mah ila,
Kan Lal Isua'n ro a rel dawn si.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: