10 Mar 2021

Lalpa chenna

Phuahtu: T. Laldintluanga
Satu: Mizoram Synod Choir (2020 - 2022)


Damchhung ropuina zawng aiin,
Isua ka thlang ber zawk a ni;
Ram zau tak leh in sang neih aiin,
Kan run neihchhunah Lalpa cheng se.

Kan buhzemte lo phaiin,
Grep hruite pawh rah lo mahse;
Lal Isua nen chuan kan run hi,
Vanram a lo chang thin.

Thihna ten thla an zar a,
Tahna ruam pawh zawh mah ila;
Lal Isua nen chuan kan run hi,
Vanram a lo chang thin.

Kristian chhungkua Lalpa chennate chu,
Kumkhuain an nghing ve ngai lo'ng;
Ni angin an eng dawn si,
Thil engpawh lo thleng thin mahse,
Krista annei an chuai ve lo.

Mahse, kan ram kristian ngei hi,
Natna hlauhawm, thihnate chuan;
Min chim mek, kan ral mek e,
Thawnthu lamah pengin thutak chu,
Kawtthlerah a tlu reng si.

Kan khawnvarte lo eng se,
Kristian chhungkua dinthar turin;
Kan hnam rohlu - kan tu leh fate,
Kan Lalpa hnen hruai thleng turin,
I pindan chhungah tawngtaiin,
Dawhtheih takin zirtir ang che.

Lal Isua nen chuan kan run hi,
Vanram a lo chang thin;
Kei ka thlang fo thin thil dang aiin,
Kristian chhungkua Lalpa chenna.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: