10 Mar 2021

Van ro luahtu

on March 10, 2021 0 Comment

Phuahtu: Lalfamkima
Satu: Mizoram Synod Choir (2020 - 2022)

Damchhung nite ral zelin,
Lei hringnun par an chuai;
Chawlhna nuam, hahdamna a awm lo,
Khawvel sum leh pai, ro thil zawngte hi,
Hlun tur reng a awm ne'm le.

Lalpa chenna run ngei chu,
Van malsawmna changtu an ni;
Lungawina kim, chatuan nunna nen,
Van ro luahtu an ni si.

Lalpaa rinna nghattu,
A chenna run ngei chu;
Lungngaihna, buainate'n chim mahse;
Thlipui hrang karah an nghing ve ngai lo'ng,
Lalpaah an lawm zel ang.

Kristaa innghat chhungkua,
Hmangaihna hual vel chu;
Vanram nuam tem lawkna hmun a ni,
Khawngaih, duhsakna, remna, muanna nen,
Malsawmin an awm zel ang.

SHARE
Four Brothers' Mizo lyrics

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: