Rei a rial tawh lo ang

Satu: K. Lalnunsiami

Lalpa lo kal a hnai ta e,
Ringtute u, inpeih a hun ta e;
Sual a tlu te tho leh ila,
Kan rinna puan i veng nghet ang u.

Rei a rial tawh lo ang,
A lo kal thuai dawn e;
A hmaah chuan khup tinreng an thingthi ang a,
Lei tinreng anla inpuang dawn si a.

Aw unau, thiam i chang dawn em,
Lalpa rorelna niah chuan;
Khawvel ropui leh mawinate,
I la thlang dawn nge inngaihtuah rawh.

Tun hi hun lawmawm chu a ni,
Tun hi chhandamna ni a ni;
Hun lawmawm tak kan neih lai hian,
Lalpa tan i thawk chhuak thuai ang u.

Khawvelah enge i la thlakhlelh,
Chatuan tling zo an awm si lo;
Khawvela ro khawl khawm ai chuan,
Lalpa hnenah ro i khawl zawk ang u.