26 Mar 2021

Thlemna tuifawn

Satu: K. Lalnunsiami

Ni rei lo teah khan ka Lal ka phatsan a,
Ka chhuahsan hnu ram ngaiin ka hawi kir e;
Ka duhthlanna reng ka hmang thei lo,
Ka lungngaih ni chu ka chhiar tan leh ta.

Thlemna tuifawnten min chim pil leh zo ta,
Tanpuitu khawi nge in awm tak le?
Thlaphangin ka van ruai ruai Lalpa,
I hmel duhawm chu min hmuh tir leh rawh.

Dema'n khawvel a thlang ang mai ka lo ni ta,
Ka chhuahsan hnu ram ngaiin ka hawi kir e;
Mahse, hlimna reng ka nei si lo,
Lungngaiin hun zawng ka hmang ral leh thin.

Lota nupui angin Sodom lam ka hawi a,
Ka chhuahsan hnu ram ngaiin ka hawi kir e;
Rimchhia ka tih thin te tak kha,
Rimtui ka ti leh mai dawn thin a.

Lalpa min ngaidam la hei hi ka ngen a che,
Khawngaih takin min hruai la bo tawh lo in;
Lal Isu hei hi ka ngen a che,
I ram min thlenin min hrereng ang che.



SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: