Min ti harh leh rawh

Phuahtu: C Lalzarmawia
Satu: Jonathan Lianhna

Kan ram thlirin i thinlung kan hliam thin a,
Chapona tlangah dingin malsawmtu kan hawisan che;
I malsawm dawn kan chak a, malsawmtu kan chak si lo,
I hming kan lam thin mahse i thu kan zawm si lo.

Siamthar, dinthar ngaiin kan chau zo ta e,
Thinlung bawlhhlawh, bumhmang, silfai ngaiin,
I hnathawh nghaka thlirin i hmaah kan lo kal e,
Thlarau thianghlim min ti harh leh rawh.

Kan chang thina harhnain min tuam leh thin,
Mahse, ramri kan lo hianin mei angin a mit leh thin,
Thahnemngaih chin a thui lo, hmangaih chin a zau mawlh lo,
Pawl ram leh ramri a kan lo harhna kan chante hian.

Kohhran thlirin biakbuk chhungah thianghlimin,
I hming kan lam thin mahse maw chhungrilah kan hlat che;
Kohhran sumpai a him a, sawrkar sum a him si lo,
Engkimah ramri kan siam a dinthar kan ngai a ni.