Kum sang rorel

Phuahtu : Pastor Vanlalkima Sailo
Mizo Adventist Music Association Homecoming 2020

Isua mi felte lam tura
 A lo kal leh hunah chuan
 Mi thianghlim fam zawng tho lehin,
 Nung dama awm tihdanglam nen
 Vanah kum sang rorelin
 Thawhlehna hmasaa thote chuan.

  Kum sang chhung pial lei a ngui ruai e
  Setana rulpui tar pawh
  Mah riakten ar ang a lo vai e
  Mi thianghlim a thlem duh zawngte chu
  An liam ta si, thangvanah
  La tho si lo a rual duh fam zawng
  Aw an la tlai dawn mang e
  Chatuan boralna meipui hakin.

Kum sang chhung tu chung nge an rel?
 Mi sual sim lo fam tawhte
 A ropuina eng tihhlumte
 Kum sang vei hnua tho tur zawng
 Setana leh a tirhkoh
 Van aṭanga paih thlakte zawng nen.

Kum sang rorel an zawh hun chuan
 Krista leh mi thianghlimte
 Jerusalem thar lo chhuk nen
 Chatuan in mawi Krista buatsaih
 Ngai teh Pathian bawkte chu
 Mihring zingah a lo awm ta.

Setana phuar chu an phelh a
 Mi sual sim lo fam tawhte
 Lei vang dapin an lo tho leh
 Mi thianghlimte riahbuk an hual
 Van aṭangin mei lo tla
 A kang ral ta sual zungzam zawng nen.

  Thlanten lei thar, van thar an chen e
  A chhunga felna awm chu
  Mosia leh Beram No hla mawi chu
  Van mipui chhiar sen lohvin an rem
  Aw a va nuam dawn em!
  Kan chatuan in tur chu hmun mawi chu
  Thlen loh ka hlau em e
  Ka chatuan in tur chu hmun mawi chu.