Ka nu, ka pa, min tawngtai sak rawh

Phuahtu: Lalrinmawia Punte
Satu: Stacy Punte

Min hringtu ka nu leh pa,
Damchhung khawsak ngaihtuahin i tlan thin maw?
Mahni duhzawng tia, fate hlamchhiah thinte u,
I fate boral hi i phal bik em ni?

Pathian laka in rochun ka ni a sin,
Kal dan min zirtir la;
Isua chanchin min hrilh la,
Kan boral loh nan min tawngtai sak rawh.

I fate tan tawngtaiin,
Vawi engzat nge maw i lo kun thin le?
Hremhmun lamtluang zawha,
Kan liam mai chu phal bik suh,
Min tawngtai sak rawh aw ka nu, ka pa.

Mi te'n fate tangah pawmin,
Lalpa hmaah an kun pui a sin;
Ka nu, ka pa, min tawngtai rawh,
Ka nu, ka pa, min tawngtai rawh.