Phuahtu: TBC Zaithanpuia
Satu: TBC Zaithanpuia, Stacy Punte
Hripui hlauhawm leng vangin maw,
Khuavel a damlo mek e;
A ngui ruai khuatin, thlertin,
Thlaphangin aw, ka rum e.
Eng chen nge maw ni zel dawn, Lalpa?
Kian zai reltir tawh la, a tawk lo'm ni?
I mite tawngtaina hi i chhang dawn tawh em le, Lalpa,
I miten i lam kan lo hawi, min chhang hram rawh.
Hripui vanga him nan tiin,
Chhungtin kan inkhar khip e;
I biakbuk in thianghlim meuh pawh,
Luah lum ngamin kan awm lo.
Min run mektu hripui vangin,
Hruaitu te thlunglu a hai;
Damna runa thawktu leh venhim hna,
Thawktute pawh an chau ta.
Lalpa, kan lam lo hawi la,
Kan dilna ngaithla ang che;
I mite hi kan damlo e,
Kan dam nan nang chauh i tawk.
I miten banpharin kan au a che.
19 Jul 2021
SHARE
Author: Four Brothers' Mizo lyrics verified_user
The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com
0 comments: