Kraws thiltihtheihna chhun engah

Phuahtu: R. Vanlalzauva
Satu: Vanlalsailova

Kraws thiltihtheihna chhun engah,
Ka ding ngam lo ka mualpho ta;
Kalvari kraws zuna uaiin
A tuiral mek ka hringnun hi.

Min fan zo ngei ka lairil hi,
Thlaphang aurawl rum ka hriat chu;
Van khua leh tui, aw, mi chantirtu,
Ka fak ning lo'ng che, ka chhandamtu.

Pumpelh kawng dang zawh ka tum paw'n,
Kraws chhun engah ka kal ngam lo;
Ka thuthmun rem tlangsang ber pawh,
Min pheh chim sak, tuarna rum nen.

Thlei bik ram neih a phal si lo,
Thui loh kawrfual min sin tir a;
Tlawmna nun tawp lo vin min thuam,
Ka bo pil tur a phal si lo.

Hawi kirin kraws lam i thlir ang,
Hringnun khawvel zuna uai ten;
Hnuchhawn ram hringmi leng ram zawng,
Chawlhna ram reng a awm si lo.