Hawh u Lalpa hnenah

Phuahtu: Lalremsiem
Satu: Vanlalsailova

Ka mite chu inngaitlawma,
Ka hming chawia an tawngtai a;
An sualnate an hawisan chuan,
Van atangin ka lo ngaithla ang a,
An sualna chu ka ngaidam ang a,
An ram chu ka ti dam leh ang.

Hawh u, Lalpa hnenah i kir ang u,
Kan ram chhe tawh hnu dinthar leh turin;
Sual thupha chawiin Amah bel ang u,
Lalpan min ko ve, a hnenah kir ang u.

Lalpan inngaitlawm a zawng mek e,
Amah tan tura raldo ngam;
Sipai tha leh huaisen a zawng a,
Indona Lalpa indona a ni,
Hnehna chu Lalpa ta a ni,
Halleluiah! a ropui e.

Lalpa tana chan ngam tur,
Lalpan a duh, a zawng mek e;
Neitu rilru puin i thawk ang u,
Hlawhfaa thawkte zawng lo chawl tawh r'u,
Lal ram chhan ngam tur lo kal r'u,
Hnehna chu kan la chang ngei ang.