Pathiante Pathian

Phuahtu: Vanlalsailova
Satu: Vanlalsailova

Hringfate tel lo va khawsa thei lo Pathain ropui,
I ngilneihna leh zahngaihnate chu a va thuk em;
Suala bo va tlansan thin tu che ngei ngei te pawh,
Nang chuan i zawng chhuakin i kuangkuah leh duh thin te hi,
Aw..aw Lalpa a van mak em ka hringnun hian a chhut phak mawlh lo.

Nuin a rilarah a fate angai thin ang hian,
Lalpa, hringfate min ngaiin min thlahlel thin a;
Kan tel lo va khawharin min zawng ruai thin a,
Khawiah nge in awm tiin min au va,
A va tling zo tak em, Pathiante, aw, Pathian ngei chu a  ni.

Sakeibakneiin a note a venghim thin ang hian,
Pathian chak leh engkimtithei sipaite Lalpa chuan;
A fate min veng reng fo thin hmuntin leh ramtinah,
Thihnaten nitin thlazar thin mahse,
Engmah kan hlau lo vang, kan kiangah min vengin,
A ni chu a awm reng fo thin.

Van khawpui Isuan kan tan hmun a siam kan thlen hun chuan,
Van mithianghlim hote, angelvar leh serafim nen;
Chatuanin Pathian ropui chu bang lo vin kan fak ang,
Tah leh rumna he khawvel hi hnutiang kan chhawn tawh ang a,
Kan hrechang tawh lo vang, aw, Pathian angchhungah chuan.