20 Jul 2021

A ngui ruai e

Phuahtu: Vanlalsailova
Satu: Vanlalsailova


A mi zaleng zawngten lei mawina kan tlan a,
Chhingmit tui far chungin min thlir e;
Pa in a fa hmangaih chu aw, a chan em ni?
A ngui ruai e.

Angelte zawng pawhin an hnem zo lo,
A ngui ruai e, ka Lal hmel chu;
Fam ngai lusun awmhar hmel iangin,
Kei zawng ka phal mawlh lo,
Tu nge lo hnar ang le aw, ka Lalpa chu,
Aw, hmangaih vangin nunna hial a chan si a.

Lawmin an au thin van angel rual zawngte,
Lalpa sawmna chhangtute an kir chang hian;
I dawn ve ngai em an zinga cheng tur hian,
Nangmah vangin lawmin an au rual dawn e,
Nghakhlel takin Lal Imanuela run nuam i thlen hun tur.

Van khua a ngui ruai e "a kin ta e" tiin,
Puanvar sinte chhing mittui a far;
Pa in a fa a hmangaih chu aw a chan ta e,
A nguai ruai e.

Famkim lohna ram khawvelah hian e,
Sual vanga hliam ka tawrh chang hian;
Ka Lal hmel mawi lai a ngui ruai e,
Hnemtu an vai ruai e,
Ka phatsan tawh lo'ng che aw ka Lal Isu,
Keimah vanga i lungngaih hi ka phal lo ve.

An lungngaihna kha thihna khawp hial a sin,
Nangmah vanga thlan thisen a luangchhuak kha,
I hnar phal ang maw? chhan zai i rel lo'ng maw?
Nangmah vanga vuak thitlin a tuar lai kha,
Han dawn ve la, a na lua e Lal Imanuela hmangaihna.

Lei danin aw, lo hnawl mahse,
Ka phatsan tawh lo'ng ka Lal Isu. 


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: