Buaina lo kiang la

Phuahtu: Patea
Satu: Siampuii Sailo, RTC Lalduhawmi, Emily Laldinsangi Chawngthu, H Lalchawimawii

Buaina, lo kiang la, ka ram ka chuan ang,
Khawvelah hian ka thla a ngam thei lo;
Lalpa siam Salem thar ka thlir ang e.

Aw thawhlehna ni ropui, thihna hnehtu,
Khaw thianghlimah chuan min thlen la,
Lui kam mawi zawkah chuan;
Buai leh thihna hnehin ka zai ang e.

Ka tap e, Lalpa, i hmel hmu lovin,
Awm khua harin tlai ni ka leng zo lo;
Zion Kulhpui, khawiahnge maw i awm?

Pialral ni eng mawi, ka kawng thim takah,
Lo eng langin Lalpa ka kal thiam lo;
Buai leh thlân thim takin min lo nang vel.

Ka dam lai ni hi thlanah ka pel ang,
Mahse, min nghahna ram ka pan zel ang;
Luipui luang ri rehnaah ka chawl ang.